É a volta ao cole! A escola de primaria Animalia acolle aos seus alumnos para o primeiro día de clase e Avni busca o seu lugar entre os seus novos compañeiros. Parece unha volta ao cole clásica, pero Avni intriga aos alumnos desde o minuto un. Non se parece a ningún dos seus pequenos compañeiros. Non é como eles: nin oso, nin paxaro, nin tartaruga. E que dicir dos seus poderes extraordinarios, que fan del a estrela do patio do colexio, roubando de paso a fama a León o camaleón? Avni é un “animal verdadeiramente non identificado” e deixa a todos desconcertados, conmovidos e seducidos pola súa fantasía e singularidade. E se, á fin e ao cabo, non fose máis que un gran amigo? Un novo pequeno heroe, simpático e amable. Estruturados sempre en aventuras de dúas páxinas, os guións abordan de maneira sinxela temas tan relevantes como a diferenza, o bullying ou a amizade. O humor, por suposto, é un elemento omnipresente e esencial nestas historias, que Vincent Caut ilustra cunha gran tenrura gráfica. Como guinda do pastel, o lector descubrirá unha dobre páxina para xogar con Avni e os seus amigos ao final do álbum.