"Inventario ilustrado de animais" reúne un centenar de exemplares de fauna representativa de todo o mundo, tanto vertebrados -mamíferos, aves, peces, anfibios, reptís- como invertebrados que, con máis de 60 clases, representan o 95% das especies animais. De cada un indícase o seu nome científico e común, e engádese unha descrición que acompaña a ilustración, naturalista e coloreada con acuarela. Os animais clasifícanse xeograficamente: en bosques tropicais, zonas desérticas, sabanas, montañas e bosques tépedos, rexións polares, océanos, costas e ribeiras, zonas habitadas e granxas. Desde o tucán á vaca, pasando polo dromedario, o leopardo, o lobo gris, a píntega, o oso polar, o golfiño, a libélula ou o pavo real, este libro é un interesante catálogo darwiniano, para contribuír ao coñecemento do medio natural e, por tanto, á súa conservación.